СИ ХЬАКУРЫНЭХЬАБЛ

Си Хьакурынэхьаблэу, сичылэ дах! 
Зэрэдунаеу о къэогъэдах. 
Уичlыгуи‚ уигубгъуи сэ шlу сэлъэгъу, 
Уищыlэныгъэ о нахь хэрэхъу.

Тыдэ сыкlуагъэми усщымыгъупш. 
Сызэрэпщыщым сэ сырэгушху. 
Сичылэ дышъэу, си 
Хьакурынэхьабл! 
О жъогъо нэфэу сигъогу къэгъабл.

Пчlынэлъэ lэшlуми, жьы къэбзэ тхъагъоми 
Сэ сапэчыжьэмэ нахь сафезэщы. 
Уахътэ тешlагъэу, усымылъэгъумэ. 
Сыгу мэжъэражъэ, Сыгу зыкъыпфещэ.

Сичылэ гупсэу, сэ сишlулъэгъу, 
Сэ къэзгъэшlэщтым усигъогогъу. 
Сыпсэ пытыфэ, жьы къабзэ къэсщафэ, 
Пхэрэхъу о сичыл, мы дунаир щыlафэ. 
___________
Чэужъ Аид